Informim rreth Mbështetjes Financiare Studentore
Maturantët që do të ndjekin studimet universitare në institucionet publike të arsimit të lartë, mund të përfitojnë mbështetje financiare (bursë), ku duhet të kenë parasysh VKM nr.386, datë 20.06.2022, të ndryshuar (bashkëlidhur pdf).
Programi i Mbështetjes Financiare ofrohet nga Agjencia Kombëtare e Financimit të Arsimit të Lartë (AKFAL) .
Mbështetja Financiare është një ndër programet më të rëndësishme për mbështetjen e studentëve që ndjekin studimet në IAL-të publike, nëpërmjet së cilës studentët e shkëlqyer, studentët që ndjekin studimet në një nga programet prioritare (të listuara mëposhtë) dhe studentët olimpiadistë, përfitojnë bursë në masën e pagës minimale në shkallë vendi, si dhe përjashtohen nga pagesa e tarifës së studimit.
Zgjedhja midis studimit në Tiranë dhe në një universitet rajonal varet nga preferencat tuaja personale, qëllimet akademike dhe të punësimit si dhe aspektet financiare dhe sociale. Konsideroni hollësitë e çdo alternative dhe mundohuni të shqyrtoni më thellë përvojat dhe mundësitë që mund të ofrohen për ju.
Programet Prioritare:
- Arsim parashkollor
- Arsim fillor
- Gjuhë shqipe dhe letërsi
- Histori-Gjeografi
- Biologji
- Biologji-Kimi
- Studime mjedisore
- Shkenca mjedisore, profili: Menaxhim i burimeve natyrore
- Kimi
- Fizikë
- Matematikë
- Matematikë-Fizikë
- Inxhinieri matematike
- Inxhinieri fizike
- Inxhinieri mjedisi
- Inxhinieri navale
- Navigacion dhe menaxhim detar
- Inxhinieri e burimeve minerare
- Inxhinieri e naftës dhe gazit
- Inxhinieri gjeoinformatike
- Inxhinieri gjeologjike
- Inxhinieri gjeomjedis
- Inxhinieri agrare, profil: mbrojtje bimësh
- Inxhinieri agrare, profil: hortikulture
- Inxhinieri agrare, profil: agronomi
- Inxhinieri agrare, profil: agromekanizëm
- Zootekni dhe siguria e produkteve blegtorale
- Biologji marine dhe akuakulturë
- Bioteknologji zooveterinare
- Agrobiologji
- Agrobiznes
- Agroushqim
- Vreshtari-Enologji
- Inxhinieri agronomike
- Inxhinieri pyjore
- Inxhinieri përpunim druri
- Mjekësi veterinare
- Menaxhim turizmi (rural, arkeologjik, kulturor, hotelerirestorant,mikpritje)
- Ekonomi-Turizëm
- Turizëm